Guyguyuguyen ti Baguio Tourism Council ti publiko a makidanggay iti panagrambak ti Indigenous Peoples’ Month babaen iti maysa a naisangsangayan a tradision–ti maikatallo pulo a Gong Festival.
Ti tema ti agdama a tawen ket “Narpuwan: Living our Culture, Honoring our Roots in the Digital Era.”
Babaen iti nasao a tema, agtitipon ken agkaykaysa a mangdayaw wenno mangbigbig ti “heartbeat” ti Cordilleran heritage, ti uni ti gong, ti ritmo dagiti kapututan, ken ti pigsa ti kinasiasino ti Cordillera iti tengga ti agbalbaliw a lubong.
Maangay ti maikatlo a Gong Festival inton Domingo, Oktubre 19 iti oras ti alas-9 ti agsapa iti Melvin Jones Grandstand, Baguio City.
Namnamaen ti Baguio Tourism Council a makidar-ay ti adu a tattao tapno mapasaranda ti panagkaykaysa ti Cordillera babaen kadagiti cultural dances, music, ritual, ken naisangsangayan nga indigenous art ken tradision.
