Naituding nga agsubli ken makibalubal manen ni Lito Adiwang iti flyweight bout kontra kenni Mauro Mastromarini iti undercard ti ONE Fight Night 37 inton Nobiembre otso iti Lumpinee Stadium idiay Bangkok, Thailand.
Ni Adiwang a pagaamo iti agresibo nga style-na iti pannakibalubal ken eksplosibo nga striking, ket kasapulan nga agrekober kalpasan ti unanimous decision kenni Keito Yamakita iti umuna a bulan ti agdama a tawen.
Aklonen ni Adiwang a ti kalabanna ket napeggad ti panagatakena ken nagballigi pay iti grappling.
Nupay kasta, mamati ni Adiwang iti kabaelanna nangruna ta makiballubal daytoy iti natural a timbang.
Magagaran pay daytoy nga ipakita ti kabaelanna.
Kabayatanna, para met iti biang ni Mastromarini, kasapulan nga ag-rebound daytoy kalpasan ti umuna a rikus a technical knockout a pannakaabakna kenni Carlo Bumina-ang iti ONE Championship debut na idi bulan ti Abril.
