--Ads--
Maibilang a pananglipot iti pagilian iti kanito a maduktalan a ponpondoan ti dadduma a pagilian ti maatap a destabilization wenno panangdadael ti administrasion ni President Ferdinand Marcos Jr.
Sigun kenni Palace Press Officer Atty. Claire Castro, pananglipot iti pagilian iti kanito a maduktalan iti imbestigasion ti Armed forces of the Philippines (AFP) ken Philippine National Police (PNP) a foreign-funded dagiti maisay-sayangkat a rally.
Impetteng ni Castro a rumbeng a saan a palubosan dagiti Pilipino ti dadduma a pagilian a makibiang, uray iti politika.
Maipalagip a kinuna ni AFP chief Gen. Romeo Brawner Jr. a nainget nga im-imbestigaranda no adda man ti aktibo a kameng dagitoy a karaman iti nasao a destabilization plot.
