Binuweltaan ti Malakanyang ni Vice President Sara Duterte gapu iti statement daytoy seknan iti insidente ti pammaltog iti maysa a pagadalan idiay Tacloban City.
Sigun kenni Vice President Sara Duterte, ti insidente ti pammaltog ket mangipakita iti saan a panangbigbig ti gobierno iti kinapateg ti intelligence gathering ken panangbigbig kadagiti posible a pangta.
Nupay kasta impetteng ni Palace Press Officer Atty. Claire Castro a saan a terorista dagiti estudiante.
Inyunay-unay ni Castro a dagiti menor-de-edad a suspek ken dagiti biktima ket saan a pangta iti siguridad.
Kamaudiananna, impaganetget ni Castro a ti rumbeng a prioridad ti gobierno ket ti panangtaming kadagiti ramut ti kinaranggas kadagiti pagadalan imbes a palawaen ti surveillance kadagiti estudiante.
