Inwaragawag ti Department of the Interior and Local Government (DILG) a posible nga adda sadiay Portugal ni sigud nga Ako Bicol Representative Elizaldy “Zaldy” Co.
Kariddan daytoy ti agtultuloy a pannakaarestar dagiti karaman iti naanomalyaan a flood control projects sadiay Oriental Mindoro.
Sigun kenni DILG Secretary Jonvic Remulla, posible a dua ti pasaporte ni Co no sadino, maysa ditoy ti Portuguese passport a maatap a nabayag nga inalana.
Impetteng ni Remulla a kanselado ti pasaporte ni Co ngem adda ti komplikasion gapu iti dual travel documents ti siguda a Kongresista.
Innayon ni Remulla nga awan ti extradition treaty ti Pilipinas ken Portugal, isu’t gapuna a posible a karit kadakuada ti pannakaarestar ni Co sadiay.
Nupay kasta, insubmitir ti DILG iti Department of Foreign Affairs (DFA) dagiti addang a mainaig iti extradition.
