--Ads--
Kinumpirmar ti Malacañang nga adda paylaeng iti Pilipinas ni Cassandra Li Ong, sigud a representative ti Philippine Offshore Gaming Operators (POGO) operation a Lucky South 99 idiay Porac, Pampanga.
Sigun kenni Palace Press officer Claire Castro, awan ti report manipud iti Bureau of Immigration (BI) a pimmanaw iti pagilian ni Ong.
Agtultuloy paylaeng ti panangsapol dagiti otoridad kenni Ong, kasaruno ti naipailog a warrant of arrest kontra kenkuana.
Kidkiddawen met ti Malacañang iti publiko nga ipakaammo kadagiti otoridad, no adda ti impormasion dagitoy mainaig iti lokasion ni Ong.
Kabayatanna, mangipaay ti Department of Justice (DOJ) iti P1 Million a gungguna kadagiti makaipaay iti impormasion a mangitunda iti pannakaarestar ni Ong.
