Marikna itan ti Christmas vibe idiay Camp John Hay kalpasan a nailukat dagiti nagduduma nga atraksyon a mabalin a sarungkaran ti publiko ita a Yuletide season.
Iti panakiuman iti Bombo Radyo kenni Mr.Manjit Singh Reandi, ti presidente ken Chief Executive Officer(CEO) iti John Hay Management Corporation, imbinglayna a napintas a sarungkaran ita ti nasao nga atraksyon nangruna ket adu dagiti pasilaw ken produkto a mabalin a gatangen.
Sigun kenni Reandi,karaman kadagiti mabalin a maimatangan ita idiay Camp John Hay ti Ecovibe Bazaar a mangsupsuporta kadagiti lokal a negosyo ken ti Pasa-Kalye Group of Artists a mangitamtampok kadagiti aramid dagiti local arists partikular iti BLISST Area.
Idi laeng Biernes,opisyalen a nailukat ti Mandeko Kito a pakaitamtampukan met dagiti aramid dagiti local artisans nu sadino,mabalin dagitoy a gatangen kas pakalaglagipan.
Malaksid iti dayta,manamnama met a malukatan ti Christmas Market iti uneg iti Camp John Hay inton Decemer 12,2025.//Bombo Rob Dominguez
