Mangipatpatungpal ti Philippine National Police (PNP) iti strategic operations.
Kasaruno daytoy dagiti reports seknan iti pannakaingato ti presio dagiti karne ken nateng kagiddan ti umadani a paskua.
Sigun kenni acting PNP chief Lt. Gen. Jose Melencio Nartatez Jr., isayangkat dagitoy ti nasao nga addang tapno maprotektaran dagiti kostumers kontra kadagiti mananggundaway nga indibidual kabayatan ti holiday season.
Kinuna ni Nartatez a maiwaras dagiti police officers kadagiti public markets, supermarkets ken wet markets tapno malapdan ti hoarding, profiteering ken posible a panic-buying.
Agtultuloy met koordinasion ti PNP iti Department of Trade and Industry (DTI) ken kadagiti local government units (LGU) tapno mabantayan ti price movements, masuportaran dagiti inspeksion ken maprebentaran ti illegal profiteering.
Kabayatanna, maisayangkat ti intelligence-driven operations a mangpuntiria kadagiti hoarders ken sindikato a mangingato iti presio dagiti tagilako.
Maitunos daytoy iti direktiba ni President Ferdinand Marcos Jr. a mangsalaknib iti pagimbagan dagiti konsumidor ken masigurado ti naannaayas a panagatang kadagiti kasapulan a tagilako ita a holiday season.
