--Ads--
Impakaammo ti Philippine National Police (PNP) a dumanon iti 100K a personnel dagitoy ti maideploy iti nagduduma a lugar iti pagilian tapno agbantay bayat ti christmas ken new year holidays.
Sigun kenni PNP spokesperson Police Brigadier General Randulf Tuaño, ngimmato ti ideploy dagitoy a pulis manipud iti 60K a bilangda idi napalabas a tawen.
Kinunana a napainget pay ti police visibility a nangitunda metlaeng iti panagbaba ti krimen iti 12.81% manipud Oktubre agingga Nobyembre iti agdama a tawen.
Innayonna pay a ti panakaideploy dagitoy ket imbasarda kadagiti walo a matutukan a krimen kas ti panagtakaw, murder, homicide ken dadduma pay.
