--Ads--
Dumanon iti 70,000 a police officers ti naideploy iti intero a pagilian para iti panangrambak iti paskua ken baro a tawen.
Daytoy ket tapno maipasigurado ti seguridad ti publiko bayat ti holiday break.
Sigun kenni NCR Police Office spokesperson Hazel Asilo 14,000 ti naideploy sadiay Metro Manila.
Dagitoy ket naideploy kadagiti lugar a kadawyan a daydaywen ti publiko, pakairamanan dagiti simbaan, malls ken dadduma pay a commercial areas kas iti bus terminals, LRT ken MRT stations.
Kagiddan dayta, impasiguradona iti publiko nga agtalinaed nga alerto ken nakastandby dagitoy tapno maliklikan ti aniaman a krimen.
Nagpalagip met daytoy nga irekep a nasayaat dagiti ruangan, ridaw ken gates dagitoy iti kanito a rumuarda iti pagtaengan dagitoy.
