Impetteng ni Acting Executive Secretary Ralph Recto a saan a makatulong iti pagsayaatan iti gobyerno ken dagiti umili a Pilipino ti panakabalbaliw dagiti miembro iti Gabinete ti agdama nga administrasyon.
Daytoy a komento ni Recto ket kasaruno dagiti maipadpadamag nga adda iti mapasamak a shuffling iti Gabinete ni President Ferdinand Marcos Jr. nga immuna metten a pinaglibakan ti Palasyo Malacañang.
Innayon ni Recto nga amin a nadutukan a miembro iti Gabinete iti agdama ket rumbeng a nakapokus kadagiti bukodda a pagrebbengan ken ti performance dagitoy ket nainget a bambamtayan ti presidente.
Maipalagip nga idi napan a lawas ket adda dagiti naipadamag a mabaliwan ti liderato wenno secretary dagiti nagduduma nga ahensya iti gobyerno kas iti Department of Education (DepEd),Department of Transportation (DOTr),Department of Tourism(DOT),ken ti Department of Public Works and Highways (DPWH).
Immunan a kiniddaw ti presidente ti courtesy resignation dagiti Cabinet members daytoy idi May 2025 para iti kinunana a panakarecalibrate ti administrasyon daytoy kalpasan ti naisayangkat a midterm elections.
