Nakemmeg ti dua nga indibidual a pakairamanan ti street level individual babaen iti nagsina a drug buy-bust operation ti Drug Enforcement Unit ti Baguio City Police Office idi Enero 16, 2026.
Iti sanguanan ti maysa a restaurant idiay Legarda Road, Rizal Monument, Baguio City, nakemmeg ti maysa a lalaki nga agtawen iti 33, maibilang nga Street Level Individual, a residente ti siudad ti Baguio kalpasan a nakumpiskar manipud kenkuana ti maysa a pidaso ti heat sealed transparent sachet a naglaon iti maatap a shabu nga agdagsen ti agarup .5 grams nga agbalor iti Standard Drug Price (SDP) a P3,400.00.
Nakumpiskar pay manipud iti suspek dagiti sumagmamano a non-drug items kas iti kuarta, ‘slingbag,’ selpon, ‘lighter,’ ken dadduma pay.
Ti operasyon ket indauloan ti Baguio City Police Office-Police Station 8 kadua ti Baguio City Police Station , 2nd Platoon City Mobile Force Company (CMFC), City Intelligence Unit (CIU), City Investigation and Division Management Unit (CIDMU) ken Philippine Drug Enforcement Agency (PDEA).
Iti sabali a bangir, nakemmeg ti maysa a lalaki nga agnagan ti alyas “Chad,” agtawen ti 43, construction worker, ken residente ti siudad ti Baguio babaen metlaeng iti naisayangkat a buy-bust operation idiay Purok 5, Brgy SLU-SVP Oldsite, Baguio City.
Nasamsam manipud iti suspek ti agarup 1 gram ti maatapa a shabu nga agbalor iti Standard Drug Price (SDP) a P6,800.00.
Nakumpiskar pay manipud kenkuana ti sumagmamano a non-drug items a kas ti kuarta ken boodle money.
Ti operasyon ket indauloan ti Drug Enforcement Unit ti Baguio City Police Office- Police Station 10 kadua ti City Intelligence Unit (CIU).
Dagiti dua nga indibidual ket agpada a sumangsango iti kaso a panaglabsing iti Section 5, Article II ti Republic Act 9165. | via Bombo Noveh Organo
