Agbalballaag ita ti Baguio City Police Office (BCPO) iti publiko seknan iti agwarwaras a text message kadagiti drayber nga agpampammarang a manipud BCPO no sadino mangibagbaga nga adda dagiti violations dagiti drivers ken kasapulanda nga isettle daytoy babaen iti naikabil a link iti nasao a text message.
Sigun iti BCPO, maysa daytoy nga peke a mensahe.
Nagpallagip daytoy a saanda nga agipatpatulod kadagiti traffic fine reminders babaen iti text message ken links.
Innayon daytoy a ti laeng opisyal a transaksyon iti opisinada ket maipatpatungpal babaen iti Baguio City Traffic Resolution Portal wenno iti BCAP Portal no sadino kasapulan pay iti TCT number dagitoy tapno makabayad da.
Kanayonanna, impetteng ti BCPO a saan dagitoy a mangipatpatulod iti SMS message pakairamanan ti nagduduma nga opisina ti lokal a gobyerno ti siudad ti Baguio nangnangruna nu maipanggep kadagiti unsetteled citations.
Nagballaag daytoy kadagiti drayber nga agganad da kadagiti maaw-awatda a mensahe ken kanayunda nga iberipikar daytoy kadagiti opisina ti gobyerno.
