Dumanon itan iti 19 nga indibidual ti nakompirmar a pimmusay iti limned nga M/V Trisha Kerstin 3 roll-on/roll -off (RORO) Ferry iti baybay a paset ti Basilan idi Lunes, January 26, 2026.
Sigun iti Office of Civil Defense – Bangsamoro Autonomous Region (OCD-BAR), 341 a tattao ti naapektaran iti nasao nga insidente.
Iti nasao a bilang, 321 dagiti naispal nga adda sadiay Zamboanga City, ken Basilan.
Kabayatanna, inlawlawag ti Philippine Coast Guard (PCG) a 344 a tattao ti nakalugan iti nasao a barko; 317 dagiti pasahero bayat a 27 dagiti crew members idi napasamak ti insidente.
Maipalagip a nagtaud iti sangladan sadiay Zamboanga City ti nasao a barko ken paturung sadiay Jolo, Sulu idi limned daytoy iti Baybay nga asideg sadiay Basilan.
Naituding a maipatungpal ti Diving operations intun Mierkules, para kadagiti 24 a mapukpukaw.
Mainaig iti dayta, kinompirmar ti Department of Transportation (DOTr) a nasuspinder amin dagiti barko ti Aleson Shipping Lines, kasaruno ti pannakalned ti nasao a barko.
