Insingasing ti Philippine Chamber of Commerce and Industry-Baguio and Benguet ti kanayunan a pannakaadal ti naisubmitir nga ordinansa a pannaka-institutionalize ti paid leave para iti pannaka-aywan ti miembro ti pamilya ken life partners iti siudad ti Baguio.
Maibasar iti naisingasing nga ordinansa, para daytoy kadagiti impleyado ti private ken public sector iti siudad ti Baguio.
Nakalanad pay a mabalin a mabayadan ti paid leave nu adda ti kapamilya wenno partners nga addaan iti sakit, naaksidente ken disability.
Dumanon iti tallo nga aldaw tunggal event ti kabayag ti paid care leave.
Nupay kasta, aplikado laeng daytoy iti tunggal maysa a health impairment.
Sigun iti Philippine of Commerce and Industry-Baguio and Benguet, nasayaat ti nasao a proposed ordinance nangruna kadagiti empleyado.
Iti baet dayta, inyunay-unay dagitoy a kasapulan ti nainget a pannakaadal ti nasao nga ordinansa.
Kabayatanna, manamnama a marepaso ti regional tripartite wages and productivity board ti minimum wage ti siudad intun Pebrero.//Bombo Noveh Organo
