--Ads--
Pimmusay ti uppat a miembro ti maysa a pamilya idiay Barangay Agusan,Cagayan de Oro kalpasan a nagaburan ti pagtaenganda gapu iti napasamak a landslide kagiddan ti panagdalapos ni Bagyong Basyang.
Sigun iti National Disaster Risk Reduction and Management Council (NDRRMC), ti gapuanan ti landslide ket ti panagtudtudo a napasaran sadiay ngem manarimaan paylaeng ti panangberipikar dagiti otoridad nu adda pakainaigan ditoy ti nasao a bagyo.
Maipalagip a gapu iti dakes a sasaaden ti panawen ket napasaran ti panaglayos kadagiti nagduduma a lugar idiay Cagayan de Oro nu sadino, karaman ti Iligan City a naparalisa ken nagrekep dagiti kangrunaan a kalsada ken national highways.
