Ngimmaton iti doble ti presio dagiti sabong sumagmamano nga oras sakbay ti aldaw dagiti puso iti siudad ti Baguio.
Sigun kadagiti aglaklako, ti sigud a red rose nga aggatad laeng iti maysa a pidaso ket dumandanon iti ₱100–₱150.
Dagiti bouquet a sigud nga aggatad iti ₱500 iti agdama ket dumanon iti ₱1,000, bayat a ti sigud a ₱750 a bouquet ket agay-ayam iti ₱1,200–₱1,500.
Saan metlaeng a nakaligtas dagiti sunflowers, a sigud a sag-P100, ngem iti agdama ket agay-ayam iti presio iti ₱150–₱200, a nakadepende iti tiendaan.
Madlaw metlaeng nga ad-adu iti agdama iti kita iti sabong iti merkado publiko, karaman kadagiti imported flowers a kas iti tulips ken sunlight, kasta metten kadagiti fuzzy wires ken crochet a sabong a maar-aramid iti bouquet, nga agay-ayam iti presio a ₱600–₱1,000.
Sigun kadagiti aglaklako, itay laeng naglabas nga aldaw ket medyo bimmasit ti suplay iti red roses, ken sumagmamano kadakuada ket ilemlemmengda dagitoy. Ngem iti panangrambak iti Valentine’s Day ket mairuar dagiti sabong, isut gapuna a nangatngato ti presio.
Kabayatanna, kinumpirmar dagiti dadduma nga aglaklako nga umdas ti suplay iti sabong, isut gapuna a saan a maipasigurado a maibus dagitoy.
Sigun met kadagiti dadduma, awan ti nangina iti maysa a tao nga agay-ayat, isut gapuna nga uray nangato iti presio ket makagatang paylaeng dagiti kayatna a gumatang. | via Bombo Jay-an Gabrillo
