Saan a pinatgan ti International Criminal Court (ICC) ti kiniddaw ti kampo ni sigud a president Rodrigo Duterte a baliktadin ti desisyon daytoy a nairuar idi Enero a fit ni FPRRD nga umatendar iti pre-trial proceedings iti kaso a crime against humanity a sangsangwen daytoy.
Iti inruar ti nasao nga international tribunal nga 11-page ruling idi kalman, kinuna daytoy a saan a nakaipaay ti kampo ti sigud a presidente iti appealable issues seknan iti desisyon daytoy idi napan a bulan.
Sigun iti ICC Pre-Trial Chamber I, ti appealable issues ket dagiti identifiable subject ken saan a dagiti laeng saludsod nu sadino ket addaan iti conflicting opinion.
Maipalagip nga idi napan a bulan ket inkeddeng ti nasao nga international tribunal a kabaelan ni sigud a president Duterte nga umatendar iti confirmation of charges daytoy inton February 23, 2026 kalpasan a napaneknekan kadagiti medical assessment a “fit to stand trial” daytoy.//Rob
