--Ads--
Naituding nga agbisita ni South Korean President Lee Jae Myung iti pagilian a Pilipinas intun Marso a tres ken a kuatro iti agdama a tawen.
Sigun kenni Palace Press Officer Undersecretary Claire Castro, daytoy ti kaunaan a panagbisita ni President Lee iti pagilian.
Daytoy metlaeng ti kaunaan nga state visit ti nasao a presidente, kalpasan a nagipektibo ti Free Trade Agreement (FTA) iti nagbaetan ti Pilipinas ken Republic of South Korea idi December 31, 2024.
Sigun pay kenni Palace Press Officer Castro, pagsaritaan da President Marcos Jr. ken President Lee dagiti nagduduma a kooperasyon ti dua a pagilian.
Karaman ditoy ti kooperasyon iti defence, maritime economic and development fields, people-to-people ties ken dadduma pay.
