--Ads--
Inwaragawag ti Department of Agriculture (DA) nga isagsaganada ti P100-million fuel subsidy para kadagiti mannalon ken mangngalap.
Kasaruno daytoy iti agtultuloy a panagngato ti presio ti produkto a petrolyo, gapu iti bumarbara a tension iti nagbaetan ti Israel-US ken Iran.
Sigun kenni DA Spokesperson Assistant Secretary Arnel de Mesa, nakasagana a maiwaras ti P100-million fund a fuel subsidy para kadagiti kualipikado.
Makaawat dagiti maikari a mannalon iti P5,000 bayat a P3,000 met para kadagiti kualipikado a mangngalap.
Sigun iti nasao nga ahensia, kasapulan a rehistrado iti Registry System for Basic Sectors in Agriculture, ownership of machinery wenno bangka ken dadduma pay a criteria sakbay a makaawat dagitoy iti nasao a benepisyo.
