--Ads--
Nagballaag manen ti Department of Agriculture (DA) kadagiti rice retailers, traders, ken importers a manglablabsing iti price ceiling iti imported rice nga intuding ti gobyerno.
Sigun iti nasao nga ahensya, posible a sumango dagitoy iti multa a dumanon iti milyon, pannakaibalud, ken posible a pannakaisara dagiti negosyo da.
Maipalagip a nangituding ni President Ferdinand “Bongbong” Marcos, Jr. iti price ceiling a P50 tunggal kilo dagiti imported rice iti pagilian idi napalabas a tawen tapno masolusyonan ti panagngato ti presyo ti nasao a produkto.
Iti sidung ti Executive Order No. 118, inpataw ni President Ferdinand Marcos, Jr. ti nasao a price cap iti las-od ti 30 aldaw. //bombokaren.c.s
