Nangipaay ni Palace Press Officer Usec. Claire Castro iti reaksyon seknan iti statement ni Vice President Sara Duterte nga awan ti problemana kenni President Ferdinand “Bongbong” Marcos Jr. kas maysa a tao.
Sigun kenni Palace Press Officer Usec. Castro, pammaneknek daytoy a naysaat ti panagtrato ni President Marcos Jr. kenni Vice President Duterte.
Impeksa ni Atty. Castro nga uray saan nga agtatrabaho ken kanayon nga adda ti ni VP Sara iti dadduma pagilian, awan ti anyaman a mangngeg manipud kenni president Marcos Jr.
Gapu iti dayta, kinuwestionaran ni Atty Castro nu apay a personal ti unget ni VP Sara a kinasapulanna pay a makisarita iti maysa a tao a mangpapatay iti Presidete, First Lady ken sigud a House Speaker Martin Romualdez
Innayon ni Atty. Castro nga ipakpakita ni VP Sara a saan a kabaelan ni President Marcos a mangidaulo ken ti pagilian ket adda iti nariribuk.
Ngem sigun kenni Castro, maatap a dagiti grupo ni VP Sara Duterte ti pudno a mangituntunda iti riribuk ken kayatda nga alaen ti posision manipud kenni Presidente Marcos Jr.
Maipalagip nga iti interview kenni Duterte sadiay The Hague, Netherlands, inaklunna nga awan ti personal nga isyuna kenni President Marcos Jr., ngem addaan laeng daytoy iti problema iti kinapresidente daytoy.
