Agsagsagana itan ti gobyerno iti posible a panagngato ti presyo ti petrolyo iti world market gapu iti tensyon a mapaspasaran idiay Middle East.
Sigun kenni President Ferdinand Marcos, Jr., mannarimaan itan ti panangadal ti gobyerno kadagiti addang tapno maksayan ti agbalin nga epekto ti panagngato dagiti presyo ti produkto kadagiti Pilipino.
Innayon ti presidente a mannarimaan ti pannakikoordinar ti Malakanyang iti Kongreso tapno maaddaan iti temporaryo a panangkesay ti excise tax iti petrolyo nu dumanon i $80 kada bariles ti presyo ti petrolyo iti world market.
Impakaammo pay ti presidente a planoda nga amyendaran ti Biofuels Act of 2006 tapno maaramat ti mas nalaklaka a bioethenol.
Agtultuloy metten ti panangmonitor ti gobyerno kadagiti presyo dagiti magatang tapno maksayan ti hoarding ken profiteering.
Kabayatanna, mannarimaan ti panantulong ti Department of Foreign Affairs, Department of Migrant Workers, ken OWWA kadagiti Pilipino nga adda idiay Middle East. //BomboKCS
