--Ads--
Impakaammo ni President Ferdinand Marcos, Jr. iti maysa a press briefing idi kalman idiay New York a mannarimaan itan ti panakisarita ti gobyerno kadagiti dadduma pay a pagilian a mangsupply iti produkto a petrolyo iti Pilipinas.
Sigun iti presidente, daytoy ket gapu ta saan a sigurado ti pagsardeng ti mapaspasamak a gubat idiay Middle East a nangapekto iti garaw ti presyo ti produkto a lana iti world market.
Nupay kasta, impanamnama ti presidente nga agtaltalinaed a nakatutok ti gobyerno iti panangsigurado nga abot-kaya latta ti supply ti petrolyo iti Pilipinas.
Impanamnamana pay nga isagsaganan ti gobyerno dagiti addang tapno maliklikan ti agtultuloy a panangngato dagiti presyo ti basic commodities iti pagilian. //Bombo Karen Sapirao
