Kidkiddawen ti maysa nga opisial kadagiti babbai iti tunggal barangay, munisipyu wenno komunidad ti panagtakder ken panangibangon iti boses kas maysa a babai.
Sigun kenni Cynthia Abalos wenno alyas “Inang Malaya,” kasapulan ti adu a babbai a kas kenni Senador Risa Hontiveros gaputa maysa daytoy kadagiti mangitantandudo ti lebel dagiti babbai iti komunidad.
Innayonna pay nga iti agdama, agkurkurang paylaeng ti impormasyon seknan iti karbengan ken dadduma pay a pagsayaatan dagiti babbai gaputa adda paylaeng ti sumagmamano a mangum-umsi kadagiti babbai.
Kinunana pay nga adda ti Anti-Bastos Law ngem mapukpukaw ti kaipapanan daytoy gaputa adda dagiti enable ti kinabastus nu sadinno dadduma ket abogado ken pulitiko. Para kenni Abalos, dagitoy kuma kidti ti mangilawlawag iti komunidad iti panagraem kadagiti babbai a saan laeng a pangdekorasyon.
Impettengna metlaeng nga adda ken adu dagiti “bias” seknan iti panangsalaknib kadagiti babbai ngem agkurkurang paylaeng ti implementasyon.
Kabayatanna, sigun met kenni Maximo Bitales Buenaventura, Barangay Kagawad a nasken a suportaran ti Women’s Celebration ngem nasaysayaat nu adda metlaeng ti selebrasion dagiti lallaki.
Nupay kasta, impettengna a ti napateg ket maraem dagiti babbai.
Imbinglay pay ti barangay official nga iti barangay a masakupan dagitoy, nainget a mabantayan ti VAWC.| via Bombo Noveh Organo
