Binabalaw ti senado ni Elizer Salilig, National Director ti Bureau of Fisheries and Aquatic Resources (BFAR) gapu iti saanna a panagatendar ti hearing ti Senate Committee on Agriculture, Food, and Agrarian Reform idi napalabas a bulan no sadino natalantan ti maipanggep iti commercial fishing iti uneg ti 15-kilometer municipal waters.
Sigun kenni Committee Chairperson Francis Pangilinan, agserbi a leksyon kuma iti amin a saan a mabalin ti innaramid ti nasao nga opisyal.
“Kung akala ninyong puwedeng ganito ang asta ninyo sa harap ng komite ng Senado, nagkakamali kayo. At ito’y magsisilbing dapat leksiyon sa lahat. Kumbaga sa baseball eh naka-strike three kayo nung araw na ‘yun,” dinakamat ni Pangilinan.
Inlawlawag met ni Saliling a tallo a hearing ti nangimbita kenkuana idi Pebrero 18, maysa manipud senado, maysa manipud House of Representatives, ken maysa manipud United States Departmenr of State Bureau of Oceans and International Environmental and Scientific Affairs.
“Ang ginawa namin, we divide it into two. So lahat po ng mga director, mga senior director namin, dito po namin ipinadala sa Senate. Kami na mga juniors, doon kami sa Congress.” pammalawag ni nasao nga opisyal.
“Pasensya na po sa inyo, Sir, we sincerely apologize na dapat pala talaga, ang mauna talaga yung the highest legislative bago ho sila,” innayon daytoy.
Kabayatanna, saan a kumbensido ditoy ni Senator Erwin Tulfo. Sigun kenkuana, saanna a patien ti pammalawag ti nasao nga opisyal gapu ta addu ti taona a mabalinna nga ibaon kas representative tapno mangibagi iti nasao nga ahensiya kadagiti dadduma a hearing. //kcs//
