Pag-an-annaden ita ti gobyerno ti Pilipinas dagiti Pilipino idiay California, USA nga agalerto ken agbalin a nasireb iti kanito nga agibales ti Iran iti mapaspasamak a tension idiay Middle East.
Immunan a nangiruar iti ballaag ti Federal Bureau of Investigation (FBI) ken naipakaaammo kadagiti awtoridad idiay California a maatap a padpadasen ti Iran nga agipatayab kadagiti unmanned aerial vehicle paturong kadagiti saan pay a nadakamat a disso idiay Estados Unidos idi pay Pebrero.
Nagtultuloy ti ballaag ti FBI iti posible a panagatake ti Iran iti aniaman a panawen.
Impanamnama met ti Presidential Communication Office (PCO) ti Malakanyang a prayoridad ti gobyerno ti kinatalged dagiti Pilipino iti dadduma a pagilian ken inkari daytoy ti repatriation nu kasapulan.
Impeksa ni PCO Undersecretary at Palace Press Officer Claire Castro a nasken a denggen ken seryosoen dagiti impormasyon nga agtataud kadagiti awtoridad idiay Amerika.
