Balligi a naarestar ti maysa a barangay official nga agatawen iti 32 a tubo ken residente ti Mountain Province idi March 19.
Ti nasao a suspek ket naibilang a No.3 Top Most Wanted Person iti Provincial level para ti 1st Quarter ti 2026.
Naarestar daytoy babaen iti bileg ti warrant of arrest nga impaiyulog idi March 16,2026 iti acting presiding judge ti Regional Trial Court first Judicial Region Branch 9 ti La Trinidad, Benguet.
Sumangsango ti suspek iti 2 counts ti sexual assault ken statutory rape nga addaan iti nairekomendar a piansa a ₱200,000.
Ti tunggal count iti kaso a sexual assault ket nairekomendaran iti piansa a ₱200,000 bayat a ti kaso daytoy nga statutory rape ket awanan ti piansa
Ti panakaarestar ti suspek ket babaen iti joint tracker teams manipud ti La Trinindad Municipal Police Station (LTMPS),Criminal Investigation and Detection Group -Provincial Field Unit (CIDG- PFU) ti Mt. Province ken ti Regional Intelligence Unit 14/Provincial Intelligence Team ti Mt. Province.
Iti kaudian a report ti pulisya, naiturungen ti suspek iti Benguet Provincial Jail ken naipaiyulog metten ti detention mittimus.//Bombo Noveh Organo
