Pagpanpanunotan ita dagiti transport groups iti pagilian ti panangisayangkat ti dua nga aldaw a tigil-pasada.
Sigun kenni MANIBELA president Mar Valbuena, isayangkatda ni nasao a tigil-pasada manipud Marso 26 agingga Marso 27.
Innayonna a saan laeng a jeepney drivers iti makipaset iti daytoy ngem pati metlaeng dagiti ride hailing services, UV Express, motorycle taxis ken truckers group.
Sigun kenkuana, amin nga adda iti nadakamat a serbisyo ket marigrigatanen iti agtultuloy a panagngato ti presyo ti petrolyo ni sadino dinakamatna a dagiti laengen dadakel a gasolinaan ti kumitkita iti mannarimaan a sitwasyon iti pagilian.
Dismayado met ni Valbuena ti panangbawi ni President Ferdinand Marcos Jr. ti panangingato ti pasahe.
Sigun pay kenni Valbuena, pagpanpanunotan ti grupo a MANIBELA a posible a mangrugi into Marso 25 ti tigil pasada tapno ipariknada ti panagrigat ti sektor ti transportasyong iti pagilian.
Iti beneg met ti No to Oil Price Hike Coalition, posible a nu mapasamak ti nasao a tigil pasada, daytoyen ti pinakadakel a tigil pasada a mapasamak iti pagilian. //bombokcs
