Immapela ni Navotas Representative Toby Tiangco iti Marcos administrasyon nga asikasuenda ti nagsasaruno nga oil price hike.
Sigun kenni Representative Tiangco, panawenen tapno suspindiren wenno kissayan ti excise tax kadagiti produkto a petrolyo tapno maksayan ti mapaspasaran dagiti Pilipino nga epekto iti agtultuloy a panagngato ti presyo ti lana.
Insingasingna metlaeng ti panangaramat ni President Ferdinand Marcos, Jr. ti bilegna a temporaryo a suspindiren wenno kissayan ti excise tax iti petrolyo kas nailanad iti Republic Act No. 12316.
Innayon pay ni Representative Tiangco a saan laeng a dagiti motorista ti apektado nu di ket amin a Pilipino gapu ta posible metlaeng a ngumato dagiti presyo ti pamasahe, taraon, delivery ken dadduma pay a kangrunaan a gagatangen.
Impettengna a panawen a makibiyang ti gobyerno iti nasao a pakaseknan ken tulonganda ti publiko.
Maipalagip a nagtultuloy ti panagngato ti prestyo ti petrolyo kadagiti napalpalabas a lawas nu sadino dimmanonen iti agarup P18.31 tunggal litro ti nainayon iti presyo ti diesel; P15.25 iti gasolina, ken P16.67 iti kerosena.
