Inanunsyo ti Land Transportation Franchising and Regulatory Board (LTFRB) a mangrugin inton bigat ti panangipaay iti P12 tunggal litro a fuel subsidy para kadagiti driver ken operator dagiti public utility jeepney (PUJ) ken UV Express.
Sigun iti nasao nga opisina, babaen iti nasao nga initiatiba, mabalin a makatipid dagiti kwalipikado a drayber iti P1,800 tunggal lawas.
Impetteng ni Executive Secretary Ralph Recto a naipangato ti nasao a fuel subsigy gapu iti epekto ti agtultuloy a krisis iti presyo ti lana idiay Middle East.
Kagidan dayta, nabilin metten ti Department of Social Welfare and Development nga ituloyda ti panangipatungpal iti UPLIFT program wenno Unified Package for Livelihoods, Industry, Food, and Transport tapno matulongan dagiti Pilipino nga apektado iti tensyon idiay Middle East. //bombokaren.c.sapirao
