--Ads--
Inaklon iti social media personality a ni Kween Yasmin nga agdadagsen wenno masikog daytoy, kalpasan ti sumagmamano a bulan nga espekulasion daytoy iti online.
Sigun kenkuana, dua a lawasen ti panagsikogna ken namnamaenda ti anakda iti partner na a ni Elmer Villacura.
Inaklon ni Kween a saan pay daytoy a nakasagana nga agbalin nga ina, ngem inawatna daytoy kas parabor ken nangrugidan a nagsagana, nangruna iti aspeto iti pinansial.
Nagyaman metlaeng daytoy iti suporta nga ipapaay dagiti followers na, a dagos a nangipaay iti nasayaat a mensahe kalpasan ti imbutaktakna.
