--Ads--
Naka-heightened alert ti Philippine National Police (PNP) gapu iti posible a panagadu ti bilang dagiti pasahero ita a Holy week.
Sigun kenni PNP spokesperson Police Brigadier General Randulf Tuaño, nagepektibo ti heightened alert status idi kalman agingga iti Abril 6.
Kabayatanna, dumanon iti agarup 60,000 a personnel, pakairamanan dagiti uniformed ken force multipliers ti maiwaras iti intero a pagilian.
Sigun iti nasao nga ahensia, maiwaras dagiti otoridad tapno maseguro dagiti transport hubs, major roads, ken dadduma pay a kangrunaan a lugar gapu iti umad-adu a pasahero nga agbiahe kadagiti probinsia para iti Holy Week break.
