Impasigurado ti Department of Trade and Industry (DTI) a saan nga agbaliw ti presyo dagiti kangrunaan a gagatangen agingga intun Abril 16, 2026.
Daytoy ket kalpasan ti katulagan kadagiti manufacturers iti sidong ti Unified Package for Livelihoods, Industry, food and Transport (UPLIFT) program ti gobyerno.
Sigun kenni Presidential Communications Office (PCO) Undersecretary at Palace Press Officer Claire Castro, nagkari dagiti manufacturers a saan nga agpangato iti presyo agingga iti nadakamat a petsa.
Kabayatanna, inkari ti DTI a mangisayangkat dagitoy iti linawas a monitoring iti basic commodity prices.
Makipagtaripnong metlaeng dagitoy kadagiti manufacturers, tapno masigurado a saan a ngumato ti presyo bayat ti panagngato ti presyo ti produkto a petrolyo.
