--Ads--
Iyemplemetaren ti Land Transportation Franchising and Regulatory Board (LTFRB) ti four-day work schedule mangrugin inton sumaruno a Lunes, Abril 6 kas mailinya iti addang ti gobyerno nga energy-saving policy wenno ti Memorandum Circular 114 ti Malacañang.
Nakalukat dagiti opisina ti nasao nga ahensiya Lunes agingga Huwebes manipud alas-syete ti agsapa agingga ala-sais ti malem.
Agsara met daytoy ti Biyernes, Sabado ken Domingo.
Nupay kasta, impanamnama ti nasao nga opisina a tapno agtultuloy latta ti panang-asistarda iti publiko, sumagmamano kadagiti empleyadoda iti transportation inspection, 24/7 hotline team, ken dadduma pay a unit ti mang-obserbar latta iti five-day work week. //bombokaren.c.s
