Inyanunsyo ni United States President Donald Trump a mapatawan ti 50% a taripa kadagiti import manipud kadagiti pagilian a mangit-ited kadagiti military weapons iti Iran.
“A Country supplying Military Weapons to Iran will be immediately tariffed, on any and all goods sold to the United States of America, 50%, effective immediately. There will be no exclusions or exemptions!” sigun kenni US President Trump.
Inyanunsyo daytoy ni Trump babaen iti Truth Social daytoy, mano laeng nga oras kalpasan iti napagnumoanda a dua a lawas a ceasefire iti Tehran.
Saanen a dinakamat ti nasao a presidente nu anya ti aramatenna iti panangipataw iti taripa kalpasan nga innikat ti Korte Suprema ti Estados Unidos idi laeng Pebrero ti panangaramatna ti International Emergency Economic Powers Act (IEEPA) iti panangipatawna iti global tariffs.
Maararamat ti IEEPA law idi pay laeng 1977 tapno suportaran dagiti financial sanctions kontra iti Iran, Russia, ken North Korea.
Saan met laeng a dinakamat ti Estados Unidos nu anya dagiti posible a pagilian a mapatawan ti taripa. //bombokaren.c.s
