Nagpalagip ti Inter-Agency Council Against Trafficking (IACAT) ti Department of Justice (DOJ) iti publiko seknan iti panagilako iti “lamang loob” wenno organ ti tao, nangruna ita a mapaspasaran ti krisis iti pagilian.
Iti online post, nagballaag ti ahensiya seknan iti peggad ti nasao nga ilegal nga aramid.
Malaksid iti dayta, kidkiddawen ti ahensya iti publiko nga agridam kontra iti ‘organ trafficking trap’.
Sigun iti ahensiya, napartak daytoy a wagas kas solusyon gapu iti dakkel a gatad ti kuarta a kasukat daytoy.
Nupay kasta, inyunay-unay daytoy a mapakasar met ti bagi iti seryoso a peggad iti salun-at.
Posible pay a mangituda daytoy iti ipupusay ti masya nga indibidual.
Gapu iti daytoy, nagpalagip ti DOJ ken IACAT a saan a patulan dagiti kakastoy nga ilegal nga aramid agsipudta, saan a mabayadan iti anya man a gatad ti kuarta ti kinatalged dagiti biktima.
