Dumanon iti agarup 265,000 a tricycle drivers sadiay Metro Manila ken agarup 212,000 iti ruar ti National Capital Region ti nakaawat iti cash relief assistance (CRA).
Daytoy ket kagiddan ti ngumatngato a presyo ti petrolyo iti pagilian.
Sigun kenni DSWD spokesperson Assistant Secretary Irene Dumlao, manamanama manen intun sumaruno a lawas ti special payout para kadagiti drivers a saan paylaeng a nakaawat.
Impanamnama ni Dumlao nga agtultuloy ti pannakaipaay ti cash relief assistance kadagiti dadduma a tricycle drivers kadagiti dadduma a lugar.
Maipalagip a ti P5,000 a cash relief assistance ket nagtaud iti DSWD’s Assistance to Individuals in Crisis Situation (AICS) fund.
Panggep daytoy a matulungan dagiti public utility vehicle drivers iti agsasaruno a panagngato ti presio ti lana kas resulta ti giera ti US-Israel kontra Iran.//mp4
