Indauloan ni Davao City Mayor Sebastoan “Baste” Duterte ti Reform Alliance for Good Governance and Accountability (RAGE) Coalition idiay Club Filipino, San Juan City iti kalman.
Pinasetan metlaeng daytoy dagiti dadduma a kaalyado ken supporter ti pamilya Duterte kas kada Senators Christopher “Bong” Go and Robinhood Padilla.
Naimatangan metlaeng idiay ti presensiya ni Batangas 1st District Rep. Leandro Leviste, SAGIP Party-list Rep. Paolo Marcoleta, sigud nga Executive Secretary Vic Rodriguez, ken sigud a Press Secretary Trixie Cruz Angeles.
Ti nasao a panagtitipon ket buklen dagiti nagduduma a political parties, civic organizations, ken grassroots movement united tapno kiddawenda ti accountability ti gobyerno iti mannarimaan a sitwasyon ti pagilian.
Nangipatulod met ni Senator Bato Dela Rosa a saan pay laeng a nagparparang manipud Nobyembre idi napalabas a tawen ti audio message tapno iyebkasna ti suportana iti pamilya a Duterte.
“Taos puso kong sinusuportahan ang pagbuo ng RAGE Coalition. Isang pagkakaisa ng iba’t-ibang pwersa na handang tumindig para sa katotohanan, pananagutan, at kapakanan ng sambayanang Pilipino,” sigun kenkuana.
Iti metlaeng mensahe daytoy, impanamnamana ti sibubukel a suportana kenni Vice President Sara Duterte. //kcs//Duterte allies launch RAGE Coalition for truth,
