Impetteng ti Commission on Audit (COA) a saan nga umdas dagiti dokumento nga insubmitir ti Office of the Vice President (OVP) tapno mapaneknekan no kasano a nagastos ti P73 million a confidential funds.
Gapu iti dayta, nabilin ti OVP nga isublida ti P72 million a confidential funds iti national treasury.
Immuna a sinaludsud ni House Deputy Minority Leader Chel Diokno, no rumbeng nga isubli ni VP Sara Duterte ken dadduma pay nga indibidual ti P72 million agsipudta awan ti basaran no kasano a naaramat ti kuarta.
Kinompirmar met daytoy ni Atty. Gloria Camora ti Commission on Audit kabayatan ti panagdengngeg ti impeachement case kontra kenni Vice President Duterte idi April 14.
Pinal itan ti desision ti COA ngem mabalin latta nga umapela ti OVP seknan iti nasao a banag iti Korte Suprema.
Kabayatanna, naipatuloden ti sabali pay a notice of disallowance iti OVP, mainaig iti P375 million a confidential funds para iti umuna, maikadua, ken maikatlo a kuarter ti 2023.
Makidkidaw met a masapul a mangipaay ti OVP iti pormal a sungbat iti daytoy.
