Pinaglibakan ti sigud a hepe iti Vice Presidential Security and Protection Group (VPSPG) a ni Col. Raymund Dante Lachica dagiti pammabasol ni Ramil Madriaga kontra kenni Vice Presidente Sara Duterte, ken inawaganna ti statement nga “inconsistency.”
Sigun kenni Lachica, pabaliw-balw ti statement ni Madriaga iti affidavit ken testimonia daytoy, isut gapuna a bimmaba ti kredibilidad dagiti akusasion. Impaganetgetna pay a saan nga umdas ti sao laeng nu diket kasapulan ti natibker ken kumpleto nga ebidensia.
Kas sungbat, kinarit iti abogado ni Madriaga ni Lachica a sumango iti panagdengngeg iti House Committee on Justice tapno sungbatan iti sidong iti panagsapata dagiti alegasion, karaman ti mapapati a panagaramat iti confidential funds.
Agtultuloy met ti panangilibak ni Lachica ken ni Vice President Sara Duterte dagiti pammabasol, bayat a naikeddeng pay ti panagdengngeg ti Kamara ti impeachment complaint seknan iti isyu.
