Inbilin ni President Ferdinand “Bongbong” Marcos, Jr. ti libre nga toll fee kadagiti amin a lugan a maaramat iti panangitransport kadagiti nateng ken dadduma pay nga agricultural products mangrugi inton April 20.
Daytoy ket paset ti addang iti gobyerno tapno mapagtalinaed nga stable dagiti presyo ti makan iti tenga iti mapaspasaran nga oil crisis.
Sigun kenni Transportation Secretary Banoy Lopez, immanugot met ditoy ti Toll Regulatory Board (TRB), Department of Agriculture (DA) ken dadduma a toll concessionaires.
“Ang utos sa atin ng Pangulo, dapat tuloy-tuloy ang pag-transport ng pagkain para matiyak na stable ang presyo ng pangunahing pagkain para masiguro na abot-kaya pa rin ito para sa ating mga kababayan,” sigun kenni Secretary Lopez.
Nupay kasta, saklawen laeng ti nasao a direktiba dagiti lugan nga accredited ti Department of Agriculture (DA) ken addaan iti RFID sticker.
Maipatumpal ti toll exemption iti las-od ti maysa bulan no sadino mabalin metlaeng a mailaylayon depende nu anya dagiti mapagtutungtongan ti Department of Agriculture, Department of Transportation, Toll Regulatory Board, ken dadduma nga toll concessionaires, ken operators.
Kabayatanna, immunan a nangipatumpal ti Philippine Ports Authority (PPA) iti bukodda a pagalagadan seknan iti pannakaitransport dagiti agricultural products no sadno kinisayanda iti P1 ti roll-on/roll-off (RoRo) fees kadagiti mangitultulod kadagiti raw ken unprocessed agricultural products tapno masuportaran ti food supply chain ken stable a presyo dagitoy. //bombokaren.c.s
