Impakaamo iti Anti-Money Laundering Council a dumanon iti P6.7 bilion ti pakabuklan a covered ken suspicious bank transactions a nakanagan kenni VP Sara Duterte ken ti asawana a ni Atty. Manases Carpio.
Sigun kenni AMLC Executive Director Ronel Buenaventura, naisumitir ti report iti Kamara kas paset iti impeachment proceeding kontra iti Bise Presidente.
Iti pakabuklan, P3.7 bilion ti nakailista iti nagan ni Duterte, P2.998 bilion iti asawana, ken ti P791 milion ti saan a maamuan a nagtaudan ti pondo.
Kinumpirmar metlaeng iti AMLC dagiti bilang idi nadamag iti panagdengngeg, nu sadinno naipaganetget iti sumagmamano a mammanday-linteg a saan daytoy a nakadatag iti SALN iti Bise Presidente manipod idi 20219 ken 2024.
Sigun iti AMLC, ti covered transactions ket limmabes iti P500,000 iti maysa nga aldaw, bayat ti suspicious transactions ket mabalin metlaeng a senyales iti iregularida a kas iti saan a mailawlawag a nagtaudanna, saan a maitunos iti financial capacity, wenno koneksion iti posible nga iligal nga aktibidad.
