Inawat itan ti Senado kas ebidensiya ti Statement of Assets, Liabilities, and Net Worth (SALN) ken dagiti financial records ni Vice President Sara Duterte ken ti asawana a ni Atty. Manases Carpio.
Karaman ditoy dagiti bank records, negosyo, investments, insurance, tax records ken sanikua dagiti agassawa.
Malaksid iti dayta, naawat metlaeng kas ebidensiya ti dakkel a paset ti testimonya ni financial analyst Alex Cabrera a mangibagbaga a dumanon iti ₱817 agingga ₱1.5 ti saan a mailawlawag a kinabaknag da Duterte ken Carpio.
Nupay kasta, inlawlawag ti Senado a ti pannakaawat dagiti dokumento ket saan a kayatna a sawen a napaneknekan dagiti alegasion.
Agtalinaed latta a dagiti senador-judges ti mangikeddeng iti kadagsen dagiti ebidensia.
Maituloy ti impeachment trial intun Nobiembre 09, 2026 no sadino, idatag ti kampo ni VP Sara Duterte ti depensa dagitoy.
