--Ads--
Pinaglibakan ni Vice President Sara Duterte dagiti post iti social media a mangibagbaga a daytoy ken ti pamiliana ket mangipapaay iti papremyo babaen iti e-wallets ken dadduma pay nga online platforms.
Iti statement, kinunana a makapaalarma ti panangiwaras dagiti grupo a kas iti “Duterte Legacy” a mangiwarwaras iti kapada a kita iti scam.
Inlawlawag metlaeng iti Office of the Vice President a saanda a mangipapaay iti aniaman a papremio babaen iti mobile e-wallet wenno aniaman nga online platform.
Nagpalagip iti Bise President iti publiko a saan a patien dagiti kapada a post ken liklikan ti mangipaay iti personal nga impormasion tapno saan a mabiktima iti panangallilaw.
