Agbirbiruk ti aktor a ni Ron Angeles iti katulong.
Iti social media post ti aktor, mabasa nga agsapsapul daytoy iti katulong nga ammona ti agluto, aglaba, aglinis iti balay, naannad iti ilikamen, naaywan ken saan a “chismosa.”
Sigun iti aktor, libre ti “accommodation” ken taraon.
Innayonna pay iti comment section nga awan ti dadduma nga aramiden ti agbalin a katulongna nu diket, aywannanna laeng daytoy ken ti balayna.
Nupay kasta, kasapulan nga agtawen iti 28 agingga iti 38, agtaud iti probinsiya ken nalaing iti balay ken nadiskarte.
Ngem imbes a seryosoen dagiti netizens, nagbalin a pagkakatawaan ti post ti aktor gapu kadagiti komento dagiti netizen.
Dadduma kadagitoy ti nagkomento nga agboluntaryo para iti panangdigos iti aktor, bayat a maysa kadagiti netizen ti nangipeksa a siaayat nga agtrabahao kas katulong ni Ron uray awan ti sweldona.
