Imbilin ti Department of Environment and Natural Resources (DENR) ti dagus a pannakaipasardeng ti operasyon dagiti amin nga open ken controlled dumpsites iti intero a pagilian.
Panggep daytoy a maliklikan ti anyaman a didigra iti baet ti nakaro a pudot.
Maibasar iti memorandum nga impaulog ni DENR OIC Assistant Secretary for Environment at concurrent Environmental Management Bureau (EMB) Director Jacqueline Caancan, darekta a nabilin dagiti amin nga EMB regional offices nga ipamaysada ti nadakamat a pammilin tapno masalakniban ti salun-at ti publiko ken ti aglawlaw.
Kagiddan daytoy, impaayan ti nasao nga ahensiya iti 15 nga aldaw nga ultimatum dagiti operator ti sanitary landfill tapno mangisubmiter iti contingency plan dagitoy.
Rumbeng a nakalanad iti nasao a plano dagiti kongkreto nga addang nga aramiden dagiti operator ti sanitary landfill, tapo maliklikan ken dagus a masolusionan ti pangta ti uram ken dadduma pay.
