Pimmusay ti 15 nga indibidual kalpasan a nagbinnagga ti dua tren iti lugar nga asideg sadiay Jakarta, Indonesia idi Lunes.
Sigun kadagiti otoridad, kaaduan kadagiti pimmusay ket babbae.
Napasamak ti insidente, partikular iti Bekasi Timur Station no sadino, naibangga ti long-distance train iti likudan ti nagsardeng a commuter train.
Dumanon met iti 88 dadagiti nasugatan a naiturong kadagiti nadumduma nga ospital, para iti pannakataming dagitoy.
Sigun iti state-owned railway operator PT Kereta Api Indonesia, natalged dagiti 240 a pasahero ti long-distance train a karaman iti insidente.
Agtultuloy paylaeng ti imbestigasion dagiti autoridad, pakairamanan ti Indonesian police ken ti National Transportation Safety Committee, tapno maammuanda ti eksakto a makagapu iti napasamak nga aksidente.
