Pormalen nga inpaima ti Bureau of Customs (BOC) iti Bureau of Internal Revenue (BIR) dagiti 19 a lugan a nakumpiskar manipud iti pamilya Discaya.
15 kadagitoy ket nainagan iti agasawa bayat nga uppat ti naipasidung iti constructive seize seknan iti tax assessment kontra iti St. Gerrad Construction General Contractor and Development Corporation.
Inlawlawag ni Bureau of Internal Revenue Commissioner Charlito Martin Mendoza a panggep ti addang a mapreserba dagiti assets ken maipakita ti kabaelan ti gobyerno a makakolekta kadagiti buwis kabayatan a masursurot amin dagiti kaskenan a proseso.
Pinagyamanan daytoy ti Bureau of Customs iti naannayas a koordinasyon ken dokumentasyon iti nasao a proseso.
Maipalagip nga idi napalabas a tawen, nangipila ti BIR ti criminal tax cases kontra kadagiti Discaya nga addaan pakabuklan nga P7.17 a tax liabilities. //bombokaren.c.s
