Nangipaulog ti United States Embassy sadiay Manila iti “security alert” para kadagiti amin nga amerikano iti pagilian.
Daytoy ket kasaruno ti ipupusay ti dua nga amerikano iti rinnupak a napasamak sadiay Toboso, Negros Occidental itay nabiit.
Gapu iti dayta, naipasidong iti “areas of heightened concern” dagiti rural ken kabambantayan a paset ti Leyte, Mindoro, Negros, ken Samar.
Malaksid iti dayta, binalakadan ti US Embassy dagiti Amerikano iti Pilipinas ken iti intero a lubong nga agtungpalda kadagiti linteg iti lokalidad ken liklikanda dagiti situasion a mangitunda iti peggad.
Maipalagip a karaman ti dua a US citizens kadagiti 19 a pimmusay iti operasion ti Philippine Army kontra kadagiti maatap a kameng ti New People’s Army (NPA) sadiay Barangay Salamanca idi April 19.
